ខ្ញុំសូមអំពាវនាវដល់សប្បរសជនទាំងឡាយមេត្ដាជួយឧបត្ថមជាបច្ច័យដល់ជនរងគ្រោះ ចំនួន3នាក់ម៉ែកូនគឺម្ដាយមួយកូនស្រីពីរនាក់។បណ្ដាលឲ្យបាក់ជើងទាំងបីនាក់ ឥឡូវនេះ
នៅសំរាកមន្ទីពេទ្យកំពត។អ្នករងគ្រោះនោះមានឈ្មោះលឹមថូជាម្ដាយ
កំពង់ជួបប្រទះមហាវេទនាជាទីបំផុត។ដូចនេះប្រសិនមានសប្បរសជនណាបានជើញ។
សូមជួយដោយក្ដីអាណិតអាសូរផងចុះ។សូមជួយអ្នករងគ្រោះផ្ទាល់ឈ្មោះលឹមថូ
ទូរសព្ទ័លេខ ,0121873596
Sunday, August 5, 2012
Thursday, July 26, 2012
ពិភពធម្មជាតិ បទពំនោល
1,គន់មើលសម្រស់ធម្មជាតិ សែនល្អស្រស់ស្អាត គួឲ្យចាប់ចិត្តទស្សនា។
2,មើលទៅភ្នំបៃតងថ្លា ពេញដោយរុក្ខា ដុះណែនជាច្រើនតាន់តាប់។
3,ថ្ងៃត្រង់យើងអង្គុយស្ដាប់ំ តូចយំសាសាប់ ហៅសែនស្រណោះកន្លង។
4,រៃច្រៀងទ្រហ៊ឹងអ៊ឹងកង បក្សីឆ្លើយឆ្លង រួមដោយវាយោបោកបក់។
5,ជើងភ្នំវាលស្មៅខ្ចីល្ហក់ ទន់ដូចជាសក់ ព្រៀបព្រុំពណ៍ខៀវស្រង៉ាត់។
6,ក្រលេកមើលទៅសមុទ្រ លំហរធំផុត គន់មើលដាច់កន្ទុភ្នែក។
7,ធម្មជាតិដ៏ល្អចម្លែក រលកបោកបែក ដូចផ្កាត្រែងសសម្ពោង។
8,ខ្ញុំស្រឡាញ់ពេញបេះដូង ហើយសូមបួងសួង ប្រាថ្នាកើតជាមួយអ្នក
Wednesday, July 25, 2012
សិក្ខាសាលា ពិនិត្យឆ្លុះបញ្ចាំងផែនការសកម្មភាពប្រចាំឆ្នាំ របស់គំរោង «លើស្ទួយសំលេងជនជាតិដើមភាគតិច»
 |
| មន្រ្តីកម្មវិធី របស់អង្គការអភិវឌ្ឍន៍សំលេងសហគមន៍ប្រចាំខេត្តរតនគីរី ឡើងធ្វើកិច្ចស្វាគមន៍ |
បានលុង៖
សហគមន៍ជនជាតិដើមភាគតិចចំនួន ៤៥ នាក់(ស្រី ១៣) មកពី ៤ ភាសាគឺ ទំពួន គ្រឹង
ចារ៉ាយ កាចក់និងពូនង បានមកជួបជុំគ្នា នៅការិយាល័យ
អង្គការគាំទ្រសហគមន៍ជនជាតិដើមភាគតិច ប្រចាំខេត្តរតនគីរី ដើម្បីរៀបចំជាសិក្ខាសាលា
ស្តីពីការពិនិត្យឆ្លុះបញ្ចាំងផែនការសកម្មភាពប្រចាំឆ្នាំរបស់គំរោង «លើស្ទួយសំលេងជនជាតិដើមភាគតិច»
ហៅកាត់ថា ភី.អាយ.វី ក្រោមជំនួយឧបត្ថម្ភពី Misereor តាមរយៈអង្គការអភិវឌ្ឍន៍សំលេងសហគមន៍។
សិក្ខាសាលាមានរយៈពេលពីរថ្ងៃ
គឺចាប់ពីថ្ងៃទី២៥ ដល់ ២៦ ខែកក្កដា ឆ្នាំ២០១២ នៅក្រុងបានឡុង ខេត្តរតនគីរី
ក្នុងគោលបំណងពិនិត្យឡើងវិញនូវសកម្មភាពដែលបានអនុវត្តន៍
និងសកម្មភាពដែលពុំបានអនុវត្តន៍។
 |
| ក្រុមជនជាតិទំពួនធ្វើផែនការសកម្មភាពបន្តសំរាប់៥ខែ បន្ទាប់ដើម្បីបង្ហាញដល់ក្រុមធំ |
សហគមន៍ដែលចូលរួមមកពី
៥ស្រុកគឺ ស្រុកអូជុំ ស្រុកអូយ៉ាដាវ ស្រុកបរកែវ និងស្រុកបានលុង ក្នុងខេត្តរតនគីរី
និងស្រុកពេជ្រាដាក្នុងខេត្តមណ្ឌលគីរី។ ក្នុងចំណោមសហគមន៍ទាំងនោះ
រួមមានប្រជាជន និងអាជ្ញាធរដែនដីផងដែរ (មេភូមិ និងក្រុមប្រឹក្សាឃុំ)។
តាមរយៈសិក្ខាសាលានេះផងដែរ
ក្រុម ភី.អាយ.វី នឹងធ្វើការឆ្លុះបញ្ចាំងផងដែរនូវបញ្ហាប្រឈមកន្លងមកដែលជាដើមហេតុដែលធ្វើឲ្យមិនអាចសម្រេចតាមផែនការ
ហើយបង្ហាញលិទ្ធផលនេះទៅកាន់
អង្គការដៃគូគាំទ្រដើម្បីចូលរួមធ្វើការស្វែងរកដំណោះស្រាយ។
ផែនការបន្ទាប់ដែលនៅសេសសល់ក៏ត្រូវបានបង្ហាញដល់អង្គការដៃគូរ
ព្រមទាំងអង្គការក្នុងតំបន់ មួយចំនួនទៀតដើម្បីជួយបំពេញត្រូវការរបស់សហគមន៍
ឈានដល់សម្រេចផែនការតាមការគ្រោងទុក។
Tuesday, July 24, 2012
សម្បត្ដិធម្មជាតិកម្ពុជា
1.ព្រឹកព្រៃរៃយុំខ្ញុំស្រណោះ នាព្រៃរបស់និងព្រៃស្រោង
ដំរីប្រើសក្ដាន់ត្មាន់ទន្សោង ស៊ិក្នុងវាលស្មោងស្មៅខៀវខ្ចី ។
2.ឯនាយព្រៃភ្នំធំច្រើនខ្នង បាងជ្រោះជ្រលងហួសគណនីយ
មច្ឆាម្រឹគ្គានាបក្សី នៅលើផែនដិកម្ពុជា ។
3.សមុទ្រជលសៃត្រីសម្បូរ ស្ទឹងបឹងព្រែកអូរច្រើនអស្ចារ្យ
មានទាំងដីស្រែដីចំការ ក្រោមដីផងណារ៉ែច្រើនមុខ ។
4, ឥឡូវស្រុកខ្មែរប្រែក្រឡះ សង្គមប្ដូរផ្លាស់ទ្រព័រងទុក្ខ
និងត្រូវវិនាសថ្ងៃខាងមុខ ធ្វើម្ដេចទេសស្រុកអភិវឌ្ឍ ។
ដំរីប្រើសក្ដាន់ត្មាន់ទន្សោង ស៊ិក្នុងវាលស្មោងស្មៅខៀវខ្ចី ។
2.ឯនាយព្រៃភ្នំធំច្រើនខ្នង បាងជ្រោះជ្រលងហួសគណនីយ
មច្ឆាម្រឹគ្គានាបក្សី នៅលើផែនដិកម្ពុជា ។
3.សមុទ្រជលសៃត្រីសម្បូរ ស្ទឹងបឹងព្រែកអូរច្រើនអស្ចារ្យ
មានទាំងដីស្រែដីចំការ ក្រោមដីផងណារ៉ែច្រើនមុខ ។
4, ឥឡូវស្រុកខ្មែរប្រែក្រឡះ សង្គមប្ដូរផ្លាស់ទ្រព័រងទុក្ខ
និងត្រូវវិនាសថ្ងៃខាងមុខ ធ្វើម្ដេចទេសស្រុកអភិវឌ្ឍ ។
Sunday, July 22, 2012
ស្នេហ៍ក្នុងព្រៃព្រឹក្សា
ស្នេហ៍ក្នុងព្រៃព្រឹក្សា
- អូនអើយអូនមើលសព្វធម្មជាតិ ច្រូងច្រាងព្រោងព្រាតបៃតងស្រស់
រុក្ខជាតិតូចធំមានទាបមានខ្ពស់ បង្ហាញសម្រស់គួឲ្យទស្សនា
2. ឯនាយជើងភ្នំស្មៅលាស់ខៀវខ្ចី បក្សាបក្សីម្រឹគ្គីម្រឹគ្គា ។
រកស៊ីតាមហ្វូងបណ្ដើរគូវា បីដូចពុំងារហើយនិងរូបបង ។
3. ឯឆ្ងាយសមុទ្រោផុតកន្ទុយភ្នែក រលកបោកបែកមើលសសម្ពោង
រំពេឆែលឆាបមច្ឆាទាំងហ្វូង ស្រែកយំរំពងឰដ៏អាកាស ។
4. ល្អណាស់ធម្មជាតិនៅស្រុកខ្មែរ មានចំការស្រែព្រៃឈើល្អល្អះ
ទន្លេសមុទ្រត្រីសំបូរណាស់ រីធាតុអាកាសក៏ល្អទៀតផង ។
5. យើងសំណាងណាស់ជាកម្ពុជា ដែលមានវាសនាដូចអូននិងបង
រួមគ្នាដាំឈើហើយប្រាថ្នាផ្សង ឲ្យអូននិងបងជួបគ្នាគ្រប់ជាតិ ។
6. ស្ដាយណាស់ឥឡូវវាខុសពីមុន ត្រូវពួកនាយទុនយកយន្ដាឈូសឆាយ
បំផ្លាញព្រៃឈើវិនាសអន្ដរាយ តើអូនសោកស្ដាយដូចរួបបងទេ ? ។
5. យើងសំណាងណាស់ជាកម្ពុជា ដែលមានវាសនាដូចអូននិងបង
រួមគ្នាដាំឈើហើយប្រាថ្នាផ្សង ឲ្យអូននិងបងជួបគ្នាគ្រប់ជាតិ ។
6. ស្ដាយណាស់ឥឡូវវាខុសពីមុន ត្រូវពួកនាយទុនយកយន្ដាឈូសឆាយ
បំផ្លាញព្រៃឈើវិនាសអន្ដរាយ តើអូនសោកស្ដាយដូចរួបបងទេ ? ។
Tuesday, July 17, 2012
ដោយ វិជ័យ អានន្ទ និង ម៉ៅ សុធានី
2012-07-17
វិទ្យុអាស៊ីសេរី
តំណាងអង្គការសង្គមស៊ីវិល និងសមាជិកសមាគមអ្នកប្រជាធិបតេយ្យ ជួបជុំគ្នានៅវត្តអង្គមេត្រី សង្កាត់ព្រៃវែង ខណ្ឌដង្កោ ដើម្បីបួងសួងសុំឲ្យមានការដោះលែងលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និងនាយកវិទ្យុសំបុកឃ្មុំ។
តំណាង និងបុគ្គលិកអង្គការសង្គមស៊ីវិល
និងសមាជិកសមាគមអ្នកប្រជាធិបតេយ្យចំនួនប្រមាណ
២០០នាក់ប្រមូលផ្ដុំគ្នានៅថ្ងៃទី១៧ កក្កដា
ដើម្បីបួងសួងវត្ថុស័ក្ដិសិទ្ធិទាំងអស់ក្នុងលោកជួយបន្ទន់ចិត្ត
ចៅក្រមឲ្យមានការអាណិតអាសូរដល់លោក ម៉ម សូណង់ដូ
ហើយព្រមដោះលែងគាត់ឲ្យរួចពីការឃុំខ្លួន។
សមាជិកសមាគមអ្នកប្រជាធិបតេយ្យមកពីខេត្តកំពង់ចាម លោក ប៉ោ ហន មានប្រសាសន៍ថា លោកមិនជឿថា តុលាការអាចរកយុត្តិធម៌ជូនប្រធានសមាគមអ្នកប្រជាធិបតេយ្យទៀតឡើយ ហេតុនេះអ្វីដែលលោកអាចធ្វើបាននៅពេលនេះ គ្មានអ្វីក្រៅពីការបន់ស្រន់ និងបួងសួងដល់វត្ថុស័ក្ដិសិទ្ធិក្នុងលោកសុំឲ្យជួយបន្ទន់ចិត្ត តុលាការឲ្យពិចារណាឡើងវិញ ហើយដោះលែងលោកប្រធានសមាគមអ្នកប្រជាធិបតេយ្យ។
លោក ប៉ោ ហន៖ «យើងខ្ញុំមកបួងសួងវត្ថុស័ក្ដិសិទ្ធិខ្លាំងពូកែ សុំឲ្យលោកជួយធ្វើម៉េចឲ្យបន្ទន់ចិត្តអ្នកដឹកនាំណាមួយដែលឃោរឃៅ សាហាវព្រៃផ្សៃចំពោះលោកប្រធាន សុំឲ្យដោះលែងលោកប្រធាន»។
ម្យ៉ាងទៀតលោកសុំអំពាវនាវដល់សហគមន៍អន្តរជាតិ មេត្តាជួយធ្វើអន្តរាគមន៍ឲ្យមានការដោះលែងលោក មម៉ សូណង់ដូ។
សមាជិកម្នាក់ទៀតមកពីខេត្តកណ្ដាល លោក គ្រោង យ៉ុង លើកឡើងថា ការចូលរួមរបស់លោកក្នុងពិធីបួងសួងឱកាសនេះ ដោយសារលោកឃើញទង្វើល្អៗជាច្រើនរបស់លោក ម៉ម សូណង់ដូ ដូចជាការខំប្រឹងបង្ហាត់បង្ហាញលទ្ធិប្រជាធិបតេយ្យ និងការជួយរំដោះទុក្ខលំបាករបស់ប្រជាពលរដ្ឋដែលមានការខ្វះខាតការ តស៊ូដើម្បីស្វែងរកសេរីភាព និងយុត្តិធម៌ជូនប្រជាពលរដ្ឋជាដើម។
លោក គ្រោង យ៉ុង៖ «គាត់មិនធ្វើអបគមន៍អីនោះទេ គាត់ចង់ថា ជួយប្រជាពលរដ្ឋ។ តុលាការគាត់ខុស ព្រោះខ្ញុំឃើញគាត់ល្អបានខ្ញុំហ៊ានមកតទល់ និងបួងសួងនៅព្រៃស ព្រោះថា ស្រលាញ់គាត់កាន់យុត្តិធម៌ ត្រឹមត្រូវ»។
លោក ម៉ម សូណង់ដូ ត្រូវអាជ្ញាធរចាប់ខ្លួនកាលពីថ្ងៃទី១៥ កក្កដា តាមដីកាបង្គាប់ឲ្យចាប់ខ្លួនរបស់ចៅក្រមសាលាដំបូងខេត្តក្រចេះ លោក ចុក ងួន។ បន្ទាប់មកនៅថ្ងៃទី១៦ កក្កដា លោកត្រូវចៅក្រមសាលាដំបូងរាជធានីភ្នំពេញ អ្នកស្រី សែម ស័ក្ដកូឡា សម្រេចឃុំខ្លួនផ្អែកលើដីកាបង្គាប់ឲ្យចាប់ខ្លួនរបស់សាលាដំបូង ខេត្តក្រចេះ តាមរយៈការផ្ទេរយុត្តាធិការពីសាលាដំបូងខេត្តក្រចេះ មកតុលាការរាជធានីភ្នំពេញ។
ទាក់ទិននឹងការសម្រេចឃុំខ្លួននេះ អង្គការសង្គមស៊ីវិលជាច្រើនបានចេញសេចក្ដីថ្លែងការណ៍បដិសេធមិនទទួល ស្គាល់ចំពោះដីកាសម្រេចឃុំខ្លួននេះ និងបានរិះគន់ថា តុលាការមិនឯករាជ្យ។
ជាមួយគ្នានេះដែរ នៅបន្ទាប់ពីមានការសម្រេចឃុំខ្លួនលោក ម៉ម សូណង់ដូ អង្គការឃ្លាំមើលសិទ្ធិមនុស្សអន្តរជាតិ Human Rights Watch ក៏ចេញសេចក្ដីថ្លែងការណ៍មួយនៅថ្ងៃទី១៧ កក្កដា បង្ហាញថា កម្ពុជាកំពុងតែប្រព្រឹត្តអំពើរំលោភសិទ្ធិមនុស្សធ្ងន់ធ្ងរ។
សេចក្ដីថ្លែងការណ៍នោះសរសេរថា នៅរយៈកាលបីខែកន្លងទៅនេះ មានការរំលោភសិទ្ធិមនុស្សជាច្រើនករណី រួមមាន ការបាញ់សំលាប់សកម្មជនការពារបរិស្ថាន លោក ឈុត វុទ្ធី នៅខេត្តកោះកុង ការបាញ់សំលាប់ក្មេងស្រី ហេង ចន្ថា នាខេត្តក្រចេះ ក្នុងយុទ្ធនាការចុះបង្ក្រាបក្រុម ប៊ុន រដ្ឋា ដែលរដ្ឋាភិបាលអះអាងថា ប៉ុនប៉ងបង្កើតតំបន់អបគមន៍ ការគំរាមចាប់ផ្សឹកព្រះសង្ឃ លួន សាវ៉ាត ក្នុងករណីទាមទារសិទ្ធិជូនប្រជាពលរដ្ឋ ការកាត់ទោសមេដឹកនាំបក្សប្រឆាំង លោក សម រង្ស៊ី ក្នុងករណីដកបង្គោលព្រំដែនកម្ពុជា-វៀតណាម នៅខេត្តស្វាយរៀង និងការចាប់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ ដែលតុលាការចោទថា ជាប់ពាក់ព័ន្ធទៅនឹងករណីប៉ុនប៉ងបង្កើតតំបន់អបគមន៍នាភូមិប្រម៉ា ស្រុកឆ្លូង ខេត្តក្រចេះ។
សេចក្ដីថ្លែងការណ៍នោះសរសេររិះគន់ថា ប្រទេសសមាជិក និងប្រទេសមួយចំនួនមិនមែនសមាជិកអាស៊ាន ដែលបានមកប្រជុំអាស៊ាន មិនយកចិត្តទុកដាក់ និងបានមើលរំលងការរំលោភសិទ្ធិមនុស្សនៅកម្ពុជា។ ជាងនេះទៅទៀត ប្រទេសសមាជិកអាស៊ាន និងប្រទេសមិនមែនជាសមាជិកអាស៊ានទាំងនោះ មិនបានជំរុញឲ្យប្រទេសកម្ពុជា ដាក់បញ្ចូលបញ្ហាសិទ្ធិមនុស្សទៅក្នុងរបៀបវារៈក្នុងវេទិកាប្រជុំ អាស៊ាន។
ទាក់ទងនឹងបញ្ហានេះដែរ នៅថ្ងៃអង្គារ ទី១៧ ខែកក្កដា សហព័ន្ធអន្តរជាតិសំរាប់ការពារសិទ្ធិមនុស្ស (FIDH) និងអង្គការពិភពលោកប្រឆាំងនឹងការធ្វើទារុណកម្ម (OMCT) បានចេញសេចក្ដីថ្លែងការណ៍មួយ សំដែងការព្រួយបារម្ភយ៉ាងខ្លាំងចំពោះការចោទប្រកាន់ទោសធ្ងន់ធ្ងរ ដល់លោក ម៉ម សូណង់ដូ ពីសំណាក់តុលាការក្រុងភ្នំពេញ។
អ្នកស្រី ឌេប៊ី ស្តូហាដ (Debbie Stothard) អគ្គនាយករងនៃសហព័ន្ធអន្តរជាតិសំរាប់ការពារសិទ្ធិមនុស្ស បានបញ្ជាក់ថា ការចោទប្រកាន់លើប្រធានសមាគមអ្នកប្រជាធិបតេយ្យ លោក ម៉ម សូណង់ដូ ពុំមានមូលដ្ឋានច្បាស់លាស់ទេ ហើយទង្វើរបស់រដ្ឋាភិបាលកម្ពុជា បង្ហាញយ៉ាងច្បាស់ថា លោកនាយករដ្ឋមន្ត្រី ហ៊ុន សែន កំពុងគំរាមកំហែងដល់អ្នកដែលហ៊ានរិះគន់លោក ជាពិសេសពាក់ព័ន្ធនឹងការរំលោភសិទ្ធិមនុស្ស ដែលទង្វើទាំងនោះ គឺផ្ទុយនឹងការទទួលខុសត្រូវរបស់កម្ពុជា ប្រឆាំងនឹងច្បាប់ប្រទេសខ្លួន និងច្បាប់អន្តរជាតិ។
អង្គការអន្តរជាតិពីរនេះក៏បានទទូចសុំឲ្យរដ្ឋាភិបាលកម្ពុជា ដោះលែងលោក ម៉ម សូណង់ដូ ជាបន្ទាន់ ដោយពុំមានលក្ខខណ្ឌ និងទម្លាក់រាល់ការចោទប្រកាន់ទាំងឡាយនោះ៕
2012-07-17
វិទ្យុអាស៊ីសេរី
តំណាងអង្គការសង្គមស៊ីវិល និងសមាជិកសមាគមអ្នកប្រជាធិបតេយ្យ ជួបជុំគ្នានៅវត្តអង្គមេត្រី សង្កាត់ព្រៃវែង ខណ្ឌដង្កោ ដើម្បីបួងសួងសុំឲ្យមានការដោះលែងលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និងនាយកវិទ្យុសំបុកឃ្មុំ។
តំណាង
អង្គការសង្គមស៊ីវិល និងសមាជិកសមាគមអ្នកប្រជាធិបតេយ្យ
បួងសួងសុំឲ្យមានការដោះលែងលោក ម៉ម សូណង់ដូ នៅវត្តអង្គមេត្រី
សង្កាត់ព្រៃវែង ខណ្ឌដង្កោ កាលពីថ្ងៃទី១៧ កក្កដា ឆ្នាំ២០១២។
RFA/Vichey Anandh
RFA/Vichey Anandh
សមាជិកសមាគមអ្នកប្រជាធិបតេយ្យមកពីខេត្តកំពង់ចាម លោក ប៉ោ ហន មានប្រសាសន៍ថា លោកមិនជឿថា តុលាការអាចរកយុត្តិធម៌ជូនប្រធានសមាគមអ្នកប្រជាធិបតេយ្យទៀតឡើយ ហេតុនេះអ្វីដែលលោកអាចធ្វើបាននៅពេលនេះ គ្មានអ្វីក្រៅពីការបន់ស្រន់ និងបួងសួងដល់វត្ថុស័ក្ដិសិទ្ធិក្នុងលោកសុំឲ្យជួយបន្ទន់ចិត្ត តុលាការឲ្យពិចារណាឡើងវិញ ហើយដោះលែងលោកប្រធានសមាគមអ្នកប្រជាធិបតេយ្យ។
លោក ប៉ោ ហន៖ «យើងខ្ញុំមកបួងសួងវត្ថុស័ក្ដិសិទ្ធិខ្លាំងពូកែ សុំឲ្យលោកជួយធ្វើម៉េចឲ្យបន្ទន់ចិត្តអ្នកដឹកនាំណាមួយដែលឃោរឃៅ សាហាវព្រៃផ្សៃចំពោះលោកប្រធាន សុំឲ្យដោះលែងលោកប្រធាន»។
ម្យ៉ាងទៀតលោកសុំអំពាវនាវដល់សហគមន៍អន្តរជាតិ មេត្តាជួយធ្វើអន្តរាគមន៍ឲ្យមានការដោះលែងលោក មម៉ សូណង់ដូ។
សមាជិកម្នាក់ទៀតមកពីខេត្តកណ្ដាល លោក គ្រោង យ៉ុង លើកឡើងថា ការចូលរួមរបស់លោកក្នុងពិធីបួងសួងឱកាសនេះ ដោយសារលោកឃើញទង្វើល្អៗជាច្រើនរបស់លោក ម៉ម សូណង់ដូ ដូចជាការខំប្រឹងបង្ហាត់បង្ហាញលទ្ធិប្រជាធិបតេយ្យ និងការជួយរំដោះទុក្ខលំបាករបស់ប្រជាពលរដ្ឋដែលមានការខ្វះខាតការ តស៊ូដើម្បីស្វែងរកសេរីភាព និងយុត្តិធម៌ជូនប្រជាពលរដ្ឋជាដើម។
លោក គ្រោង យ៉ុង៖ «គាត់មិនធ្វើអបគមន៍អីនោះទេ គាត់ចង់ថា ជួយប្រជាពលរដ្ឋ។ តុលាការគាត់ខុស ព្រោះខ្ញុំឃើញគាត់ល្អបានខ្ញុំហ៊ានមកតទល់ និងបួងសួងនៅព្រៃស ព្រោះថា ស្រលាញ់គាត់កាន់យុត្តិធម៌ ត្រឹមត្រូវ»។
លោក ម៉ម សូណង់ដូ ត្រូវអាជ្ញាធរចាប់ខ្លួនកាលពីថ្ងៃទី១៥ កក្កដា តាមដីកាបង្គាប់ឲ្យចាប់ខ្លួនរបស់ចៅក្រមសាលាដំបូងខេត្តក្រចេះ លោក ចុក ងួន។ បន្ទាប់មកនៅថ្ងៃទី១៦ កក្កដា លោកត្រូវចៅក្រមសាលាដំបូងរាជធានីភ្នំពេញ អ្នកស្រី សែម ស័ក្ដកូឡា សម្រេចឃុំខ្លួនផ្អែកលើដីកាបង្គាប់ឲ្យចាប់ខ្លួនរបស់សាលាដំបូង ខេត្តក្រចេះ តាមរយៈការផ្ទេរយុត្តាធិការពីសាលាដំបូងខេត្តក្រចេះ មកតុលាការរាជធានីភ្នំពេញ។
ទាក់ទិននឹងការសម្រេចឃុំខ្លួននេះ អង្គការសង្គមស៊ីវិលជាច្រើនបានចេញសេចក្ដីថ្លែងការណ៍បដិសេធមិនទទួល ស្គាល់ចំពោះដីកាសម្រេចឃុំខ្លួននេះ និងបានរិះគន់ថា តុលាការមិនឯករាជ្យ។
ជាមួយគ្នានេះដែរ នៅបន្ទាប់ពីមានការសម្រេចឃុំខ្លួនលោក ម៉ម សូណង់ដូ អង្គការឃ្លាំមើលសិទ្ធិមនុស្សអន្តរជាតិ Human Rights Watch ក៏ចេញសេចក្ដីថ្លែងការណ៍មួយនៅថ្ងៃទី១៧ កក្កដា បង្ហាញថា កម្ពុជាកំពុងតែប្រព្រឹត្តអំពើរំលោភសិទ្ធិមនុស្សធ្ងន់ធ្ងរ។
សេចក្ដីថ្លែងការណ៍នោះសរសេរថា នៅរយៈកាលបីខែកន្លងទៅនេះ មានការរំលោភសិទ្ធិមនុស្សជាច្រើនករណី រួមមាន ការបាញ់សំលាប់សកម្មជនការពារបរិស្ថាន លោក ឈុត វុទ្ធី នៅខេត្តកោះកុង ការបាញ់សំលាប់ក្មេងស្រី ហេង ចន្ថា នាខេត្តក្រចេះ ក្នុងយុទ្ធនាការចុះបង្ក្រាបក្រុម ប៊ុន រដ្ឋា ដែលរដ្ឋាភិបាលអះអាងថា ប៉ុនប៉ងបង្កើតតំបន់អបគមន៍ ការគំរាមចាប់ផ្សឹកព្រះសង្ឃ លួន សាវ៉ាត ក្នុងករណីទាមទារសិទ្ធិជូនប្រជាពលរដ្ឋ ការកាត់ទោសមេដឹកនាំបក្សប្រឆាំង លោក សម រង្ស៊ី ក្នុងករណីដកបង្គោលព្រំដែនកម្ពុជា-វៀតណាម នៅខេត្តស្វាយរៀង និងការចាប់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ ដែលតុលាការចោទថា ជាប់ពាក់ព័ន្ធទៅនឹងករណីប៉ុនប៉ងបង្កើតតំបន់អបគមន៍នាភូមិប្រម៉ា ស្រុកឆ្លូង ខេត្តក្រចេះ។
សេចក្ដីថ្លែងការណ៍នោះសរសេររិះគន់ថា ប្រទេសសមាជិក និងប្រទេសមួយចំនួនមិនមែនសមាជិកអាស៊ាន ដែលបានមកប្រជុំអាស៊ាន មិនយកចិត្តទុកដាក់ និងបានមើលរំលងការរំលោភសិទ្ធិមនុស្សនៅកម្ពុជា។ ជាងនេះទៅទៀត ប្រទេសសមាជិកអាស៊ាន និងប្រទេសមិនមែនជាសមាជិកអាស៊ានទាំងនោះ មិនបានជំរុញឲ្យប្រទេសកម្ពុជា ដាក់បញ្ចូលបញ្ហាសិទ្ធិមនុស្សទៅក្នុងរបៀបវារៈក្នុងវេទិកាប្រជុំ អាស៊ាន។
ទាក់ទងនឹងបញ្ហានេះដែរ នៅថ្ងៃអង្គារ ទី១៧ ខែកក្កដា សហព័ន្ធអន្តរជាតិសំរាប់ការពារសិទ្ធិមនុស្ស (FIDH) និងអង្គការពិភពលោកប្រឆាំងនឹងការធ្វើទារុណកម្ម (OMCT) បានចេញសេចក្ដីថ្លែងការណ៍មួយ សំដែងការព្រួយបារម្ភយ៉ាងខ្លាំងចំពោះការចោទប្រកាន់ទោសធ្ងន់ធ្ងរ ដល់លោក ម៉ម សូណង់ដូ ពីសំណាក់តុលាការក្រុងភ្នំពេញ។
អ្នកស្រី ឌេប៊ី ស្តូហាដ (Debbie Stothard) អគ្គនាយករងនៃសហព័ន្ធអន្តរជាតិសំរាប់ការពារសិទ្ធិមនុស្ស បានបញ្ជាក់ថា ការចោទប្រកាន់លើប្រធានសមាគមអ្នកប្រជាធិបតេយ្យ លោក ម៉ម សូណង់ដូ ពុំមានមូលដ្ឋានច្បាស់លាស់ទេ ហើយទង្វើរបស់រដ្ឋាភិបាលកម្ពុជា បង្ហាញយ៉ាងច្បាស់ថា លោកនាយករដ្ឋមន្ត្រី ហ៊ុន សែន កំពុងគំរាមកំហែងដល់អ្នកដែលហ៊ានរិះគន់លោក ជាពិសេសពាក់ព័ន្ធនឹងការរំលោភសិទ្ធិមនុស្ស ដែលទង្វើទាំងនោះ គឺផ្ទុយនឹងការទទួលខុសត្រូវរបស់កម្ពុជា ប្រឆាំងនឹងច្បាប់ប្រទេសខ្លួន និងច្បាប់អន្តរជាតិ។
អង្គការអន្តរជាតិពីរនេះក៏បានទទូចសុំឲ្យរដ្ឋាភិបាលកម្ពុជា ដោះលែងលោក ម៉ម សូណង់ដូ ជាបន្ទាន់ ដោយពុំមានលក្ខខណ្ឌ និងទម្លាក់រាល់ការចោទប្រកាន់ទាំងឡាយនោះ៕
ក្រោមលេសបង្កើតតំបន់អបគមន៏ ផ្ទះ៥រយខ្នងត្រូវបានបំផ្លាញ ពលរដ្ឋម្នាក់ត្រូវបានចាប់ខ្លួន
ទំព័រខាងមុខ » ពត៌មានខ្មែរ, សេដ្ឋកិច្ចនយោបាយ
ពុធ 18 កក្តដា 2012
សិលាពល
ទស្សនាវដ្តីសារព័ត៌មានសេរី
ដោយចោទថា ប្រជាពលរដ្ឋរស់នៅលើដីរដ្ឋ និង មានផែនការបង្កើតតំបន់អបគន៏បានបើកផ្លូវឲ្យអាជ្ញាធរខេត្តពោធិសាត់ រុះបំផ្លាញផ្ទះរបស់ប្រជាពលរដ្ឋយ៉ាងហោចណាស់៥រយខ្នង និងពលរដ្ឋម្នាក់ត្រូវបានចាប់ខ្លួន ក្នុងប្រតិបត្តិការមួយដែលផ្ដើមកាលពីថ្ងៃច័ន្ទ និង ទើបបញ្ចប់កាលពីថ្ងៃអង្គារម្សិលមិញ ។
ប៉ុន្តែយ៉ាងណាក៏ដោយ ក្រុមប្រជាពលរដ្ឋបាននិយាយថា
ពួកគេដែលពុំមានទីជម្រកបានមកតាំងទីលំនៅក្នុងភូមិ
កំពង់ក្ដី ឃុំ ក្រពើពីរ ស្រុក វាលវែងនេះតាំងតែពីឆ្នាំ២០០៨ម្ល៉េះ ,
ពួកគាត់មានតែដៃទទេ និង ពុំមានផែនការធ្វើអបគមន៏ទឹកដីស្អីទេ ។
ជាមួយគ្នាក្រុមប្រជាពលរដ្ឋបានចោទថា ការដែលអាជ្ញាធរបានបណ្ដេញពួកគាត់ទាំង៦រយគ្រួសារចេញពីតាំង ដែលពួកគាត់ធ្លាប់រស់នៅអស់រយៈពេលជិត៥ឆ្នាំមកហើយនេះ គឺដើម្បីយកដីទៅលក់ឲ្យឈ្មួញ ។
គួរបញ្ជាក់ថា ដោយសំអាងលើលេសអបគមន៏ទឹកដី កាលពីខែឧសភាកន្លងទៅអាជ្ញាធររដ្ឋាភិបាលបានធ្វើការបង្រ្កាបយ៉ាង ព្រៃផ្សៃ ទៅលើប្រជាពលរដ្ឋក្នុងភូមិ ប្រមា ឃុំ កំពង់ដំរី ស្រុក ឆ្លូង ខេត្ត ក្រចេះ ហើយព្រឹត្តិការណ៏នេះ បាននាំទៅដល់ការចាប់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និង ជានាយកវិទ្យុសំបុកឃ្មុំកាលពីចុងសប្ដាហ៏កន្លងទៅ ៕
សិលាពល
ទស្សនាវដ្តីសារព័ត៌មានសេរី
ដោយចោទថា ប្រជាពលរដ្ឋរស់នៅលើដីរដ្ឋ និង មានផែនការបង្កើតតំបន់អបគន៏បានបើកផ្លូវឲ្យអាជ្ញាធរខេត្តពោធិសាត់ រុះបំផ្លាញផ្ទះរបស់ប្រជាពលរដ្ឋយ៉ាងហោចណាស់៥រយខ្នង និងពលរដ្ឋម្នាក់ត្រូវបានចាប់ខ្លួន ក្នុងប្រតិបត្តិការមួយដែលផ្ដើមកាលពីថ្ងៃច័ន្ទ និង ទើបបញ្ចប់កាលពីថ្ងៃអង្គារម្សិលមិញ ។
កម្លាំងអាជ្ញាធរ អំឡុងការដាក់បង្រ្កាបទៅលើ ប្រជាពលរដ្ឋ ក្នុងឃុំកំពង់ដំរី
ជាមួយគ្នាក្រុមប្រជាពលរដ្ឋបានចោទថា ការដែលអាជ្ញាធរបានបណ្ដេញពួកគាត់ទាំង៦រយគ្រួសារចេញពីតាំង ដែលពួកគាត់ធ្លាប់រស់នៅអស់រយៈពេលជិត៥ឆ្នាំមកហើយនេះ គឺដើម្បីយកដីទៅលក់ឲ្យឈ្មួញ ។
គួរបញ្ជាក់ថា ដោយសំអាងលើលេសអបគមន៏ទឹកដី កាលពីខែឧសភាកន្លងទៅអាជ្ញាធររដ្ឋាភិបាលបានធ្វើការបង្រ្កាបយ៉ាង ព្រៃផ្សៃ ទៅលើប្រជាពលរដ្ឋក្នុងភូមិ ប្រមា ឃុំ កំពង់ដំរី ស្រុក ឆ្លូង ខេត្ត ក្រចេះ ហើយព្រឹត្តិការណ៏នេះ បាននាំទៅដល់ការចាប់ខ្លួនលោក ម៉ម សូណង់ដូ ប្រធានសមាគមអ្នកប្រជាធិបតេយ្យ និង ជានាយកវិទ្យុសំបុកឃ្មុំកាលពីចុងសប្ដាហ៏កន្លងទៅ ៕
ពលរដ្ឋ១ពាន់គ្រួសារ ស្ថិតក្នុងគម្រោងបណ្ដេញចេញដោយបង្ខំពីផ្លូវរថភ្លើង
ទំព័រខាងមុខ » ពត៌មានខ្មែរ, សេដ្ឋកិច្ចនយោបាយ
ពុធ 18 កក្តដា 2012
មាស មុន្នី
ទស្សនាវដ្តីសារព័ត៌មានសេរី
យ៉ាងហោចណាស់មានប្រជាពលរដ្ឋ១ពាន់គ្រួសារដែលមានទីលំនៅតាមបណ្ដោយ កំណាត់ផ្លូវរថភ្លើងក្នុងក្រុងប៉ោយប៉ែត ខេត្ត បន្ទាយមានជ័យ បានស្ថិតក្នុងគម្រោងនៃការបណ្ដេញចេញដោយបង្ខំដើម្បីយកទីតាំង ជួសជុលផ្លូវរថភ្លើង ។
លោក អ៊ាង វុទ្ធី
មន្ត្រីផ្នែកច្បាប់នៃអង្គការស្ពានឆ្ពោះទៅកាន់សន្តិភាពកម្ពុជា
បានប្រាប់ក្រុមអ្នករាយការណ៏ព័ត៌មានកាលពីម្សិលមិញថា
នៅក្នុងសេចក្ដីជូនដំណឹងអាជ្ញាធរ បានដាកឱសានវាទ តែ១០ថ្ងៃប៉ុណ្ណោះ
ឲ្យប្រជាពលរដ្ឋ រុះរើលំនៅដ្ឋាន បើពុំនោះទេ ពេលដល់ថ្ងៃកំណត់
គេនឹងមិនទទួលខុសត្រូវ ពីការខូចចខាត់
ទ្រព្យសម្បត្តិរបស់ប្រជាពលរដ្ឋឡើយ ។
យ៉ាងណាក៏ដោយមន្ត្រីរូបនេះ បាននិយាយថា ” ការប្រកាសជូនដំណឹងពីការបណ្ដេញប្រជាពលរដ្ឋប្រមាណ១ពាន់គ្រួសារនេះ ចេញពីតំបន់ពួកគេធ្លាប់រស់នៅ វាផ្ទុយទៅនឹងការិយាល័យសម្របសម្រួលគម្រោងពិសេសរបស់ ADB ដែលបាននិយាយសន្យាថា នឹងពុំមានការបណ្ដេញចេញបែបនេះទេ ” ៕
មាស មុន្នី
ទស្សនាវដ្តីសារព័ត៌មានសេរី
យ៉ាងហោចណាស់មានប្រជាពលរដ្ឋ១ពាន់គ្រួសារដែលមានទីលំនៅតាមបណ្ដោយ កំណាត់ផ្លូវរថភ្លើងក្នុងក្រុងប៉ោយប៉ែត ខេត្ត បន្ទាយមានជ័យ បានស្ថិតក្នុងគម្រោងនៃការបណ្ដេញចេញដោយបង្ខំដើម្បីយកទីតាំង ជួសជុលផ្លូវរថភ្លើង ។
ផ្លូវដែកក្នុងប្រទេសកម្ពុជា ដែលកំពុងទទួលការជួសជុល
យ៉ាងណាក៏ដោយមន្ត្រីរូបនេះ បាននិយាយថា ” ការប្រកាសជូនដំណឹងពីការបណ្ដេញប្រជាពលរដ្ឋប្រមាណ១ពាន់គ្រួសារនេះ ចេញពីតំបន់ពួកគេធ្លាប់រស់នៅ វាផ្ទុយទៅនឹងការិយាល័យសម្របសម្រួលគម្រោងពិសេសរបស់ ADB ដែលបាននិយាយសន្យាថា នឹងពុំមានការបណ្ដេញចេញបែបនេះទេ ” ៕
សេដាក ៖ ការអភិរក្សកង្កែបក្នុងវាលស្រែនាំឲ្យកសិករទទួលបានផលស្រូវច្រើន
ទំព័រខាងមុខ » ពត៌មានខ្មែរ, សេដ្ឋកិច្ចនយោបាយទស្សនាវដ្តីសារព័ត៌មានសេរី
សត្វកង្កែប មានតួនាទីសំខាន់ណាស់ក្នុងការការពារកុំឲ្យដំណាំស្រូវទទួលរង ការបំផ្លាញពីសត្វល្អិត ជាពិសេសនៅ ដំណាក់កាលដំបូងនៃការធ្វើស្រែគឺដំណាក់កាលសំណាប និងពេលស្រូវទើបបែកគុម្ពដំបូង។ តែកន្លងមកកសិករយើងភាគ ច្រើនមិនសូវបានយកចិត្តទុកដាក់ក្នុងការអភិរក្សសត្វកង្កែប ដើម្បីឲ្យវាជួយការពារដំណាំស្រូវទេ។ នៅពេលដើមរដូវ គេគិតតែ នាំគ្នាចាប់កង្កែបធ្វើជាចំណីអាហារនិងលក់ទៅវិញ។ ការធ្វើរបៀបនេះប្រៀបដូចជាការទប់ស្កាត់មិនឲ្យកង្កែប មានឱកាស បង្កកំណើតឲ្យបានច្រើន ដើម្បីជួយការពារដំណាំស្រូវនិងផ្តល់ផលច្រើននៅពេលក្រោយ។ លើសពីនេះទៀត កសិករយើង ក៏បានធ្វើការប្រើប្រាស់សារធាតុគីមីដូចជា ជីគីមីនិងថ្នាំពុលគីមី ដែលនាំឲ្យកង្កែបពុលងាប់ជាពិសេសដោយសារស្បែកកង្កែប ងាយទទួលរងការបំផ្លាញពីសារធាតុគីមីណាស់។
ដើម្បីឲ្យកសិករទទួលផលស្រូវច្រើននិងមិនចាំបាច់ចំណាយច្រើនលើ សារធាតុគីមីនិងបានផលកង្កែបច្រើន សេដាក សូមអំពាវនាវឲ្យកសិករងាកមកគិតគូអភិរក្ស និងចិញ្ចឹមកង្កែបតាមវាលស្រែឲ្យបានគ្រប់គ្នា ដោយអនុវត្តតាមគំនិតសំខាន់ៗ ដូចខាងក្រោម៖
១. សូមនាំគ្នាឈប់ចាប់កង្កែបនៅពេលដើមរដូវ។ បើយើងចង់ចាប់អាចចាប់បានពីពាក់កណ្តាលរដូវទៅ ជាពិសេស នៅពេលស្រូវបែកគុម្ពបានច្រើន។ (កង្កែបវាអាចជួយការពារដំណាំស្រូវពីការបំផ្លាញបាន។ កង្កែបមួយវាអាចស៊ីសត្វល្អិត បានក្នុងបរិមាណស្មើនឹងទម្ងន់ខ្លួនរបស់វា)។
២. កុំប្រើជីគីមីនិងថ្នាំពុលលើស្រូវនិងស្រែឲ្យសោះ។
៣. ប្រើជីធម្មជាតិឲ្យបានច្រើនលើដីស្រែជាពិសេសប្រើកំទេចចំបើង អង្កាម និងស្លឹកឈើ ដើម្បីគ្របដីចន្លោះគុម្ពស្រូវ ព្រោះវាផ្តល់ជាជំរកនិងចំណីបន្ថែមដល់កង្កែប។
៤. រៀបចំឲ្យមានកូនចង្អូរ ថ្លុក ឬប្រឡាយ ស្រះក្នុងស្រែ ដើម្បីផ្តល់ជាជំរកដល់កង្កែប។
៥. ផ្តល់ចំណីបន្ថែមដល់កង្កែបដូចជាកន្ទក់ ចុងអង្ករ និងកាកសំណល់ផ្ទះបាយ។ល។
៦. សហការជាមួយអ្នកជិតខាងដើម្បីការពារកុំឲ្យមានការចូលមកចាប់កង្កែបក្នុងវាលស្រែ។
បណ្ឌិត យ៉ង សាំងកុមារ ប្រធានអង្គការសេដាកមានប្រសាសន៍ថា “ការអនុវត្តន៍នូវគំនិតខាងលើបានជោគជ័យ មិនត្រឹមតែធ្វើឲ្យកសិករទទួលបានផលស្រូវច្រើនទេ គេអាចប្រមូលផលកង្កែបសំរាប់បរិភោគនិងលក់បានថែមទៀតផង នៅចុងរដូវ ឬក្រោយពេលច្រូតកាត់” ។
លោកបណ្ឌិតបន្តថា ដើម្បីទទួលបានផលកង្កែបពីស្រែគេត្រូវយកសំណាញ់ព័ទ្ធ លើដីស្រែនៅពេលចុងរដូវ ដើម្បីការពារកុំឲ្យកង្កែបរត់ចេញពីស្រែបាត់ក្រោយពេលច្រូតកាត់។
កសិករគួរចាប់ផ្តើមសាកល្បងអនុវត្តតាមគំនិតខាងលើនៅលើផ្ទៃដីដែល អាចធ្វើបាន (ឧទាហរណ៍ ៥ ទៅ ១០ អារ) ដើម្បីទទួលបាននូវលទ្ធផលនិងបទពិសោធន៍ជាក់លាក់។
សេដាក សូមធ្វើការអំពាវនាវឲ្យកសិករនិងអ្នកពាក់ព័ន្ធគ្រប់រូប ចូលរួមយ៉ាងសកម្មក្នុងការអភិរក្សសត្វកង្កែបក្នុងវាល ស្រែដើម្បីផលប្រយោជន៍វែងឆ្ងាយរបស់យើងទាំងអស់គ្នា៕
Thursday, July 5, 2012
អ្នកបុរីកីឡាព្រមានធ្វើបាតុកម្មទ្រង់ទ្រាយធំ ដើម្បីស្វែងរកដំណោះស្រាយដីធ្លី
ទំព័រខាងមុខ » ពត៌មានខ្មែរ, សេដ្ឋកិច្ចនយោបាយ2012-07-05
វិទ្យុអាស៊ីសេរី
ក្រុមអ្នកភូមិបុរីកីឡាព្រមានធ្វើបាតុកម្មទ្រង់ទ្រាយធំ នៅសប្ដាហ៍ខាងមុខទៀត ដើម្បីជំរុញឲ្យសាលារាជធានីភ្នំពេញ និងរដ្ឋាភិបាលពន្លឿនស្វែងរកដំណោះស្រាយលំនៅឋានឲ្យបានឆាប់។
អ្នកស្រី
ឆាយ គឹមហ៊ន តំណាងពលរដ្ឋបុរីកីឡាផ្ដល់បទសម្ភាសន៍ដល់អ្នកកាសែត
ក្រោយពីជំនួបជាមួយ លោក ទីវ គឹមពិសិដ្ឋ នាសាលារាជធានីភ្នំពេញ
កាលពីព្រឹកថ្ងៃទី៤ ខែកក្កដា ឆ្នាំ២០១២។
RFA/Morm Moniroth
RFA/Morm Moniroth
ការព្រមានធ្វើបាតុកម្មរបស់អ្នកភូមិបុរីកីឡា នៅថ្ងៃទី៤ ខែកក្កដា ធ្វើឡើងបន្ទាប់ពីមន្ត្រីសាលារាជធានីភ្នំពេញបដិសេធជាថ្មីទៀត នូវសំណើរបស់ពួកគេ កាលពីថ្ងៃទី២១ ខែមិថុនា ឆ្នាំ២០១២។ នៅក្នុងសំណើរបស់សហគមន៍បុរីកីឡាចំនួន ១១៧គ្រួសារ ដែលនៅសេសសល់នេះ គឺជាការឆ្លើយតបរបស់សាលារាជធានីភ្នំពេញ ដែលទាមទារឲ្យពលរដ្ឋបង្ហាញភស្តុតាងរឹង និងឯកសារផ្លូវច្បាប់ មុននឹងបន្តដោះស្រាយតាមសំណើរបស់ពួកគេ។
ក្រោយពីជំនួបពេញមួយព្រឹកនៅថ្ងៃពុធ រវាងតំណាងសហគមន៍បុរីកីឡាចំនួន ១០នាក់ ជាមួយនឹងលោក ទីវ គឹមពិសិដ្ឋ អគ្គនាយករងរដ្ឋបាលសាលារាជធានីភ្នំពេញ អ្នកស្រី ឆាយ គឹមហ៊ន ដែលអះអាងថា ជាតំណាងរបស់សហគមន៍បុរីកីឡា មានប្រសាសន៍ថា សាលារាជធានីភ្នំពេញពុំមានសមត្ថភាពណាមួយ ក្នុងការស្វែងរកដំណោះស្រាយទេ ពោលគឺគ្រាន់តែជាស្ពានចម្លងទៅរដ្ឋាភិបាលប៉ុណ្ណោះ។
បើយ៉ាងនេះក្តី អ្នកស្រីគំរាមថា ក្រុមអ្នកភូមិបុរីកីឡានឹងធ្វើបាតុកម្មក្នុងទ្រង់ទ្រាយធំ នៅសប្ដាហ៍ក្រោយនេះ បើរដ្ឋាភិបាលនៅតែមិនដោះស្រាយនោះទេ។
អ្នកស្រី ឆាយ គឹមហ៊ន៖ «ខ្ញុំមកសួរចម្លើយពីសាលារាជធានីភ្នំពេញ ទៀត តែបើសិនអត់បានផលប្រយោជន៍អីទេ នាងខ្ញុំនឹងចាប់ផ្ដើមធ្វើកូដកម្មឲ្យធំ។ ពួកខ្ញុំលែងមានអារម្មណ៍ជឿជាក់លើពួកគាត់ទៀតហើយ ព្រោះគាត់ឲ្យពួកខ្ញុំជឿជាក់លើគាត់វាច្រើនមកហើយ ហើយអ្វីដែលគាត់បោកបញ្ឆោតពួកខ្ញុំ គឺរឹតតែធ្វើឲ្យពួកខ្ញុំកាន់តែរឹងមាំខ្លាំងទៅៗ។ ព្រោះពេលនេះ ពួកខ្ញុំមិនអាចរង់ចាំការដែលពួកគាត់ពន្យារពេលទៀតទេបង។ ខ្ញុំត្រូវតែប្រឹងប្រែងដើម្បីផ្ទះរបស់ពួកខ្ញុំទាំងអស់គ្នា ព្រោះពួកខ្ញុំរស់នៅរាល់ថ្ងៃនេះ ឈឺចាប់ណាស់។ ការប្រមាថមើលងាយរបស់គេក៏មាន គេបោះសំរាមលើក្បាលក៏មាន ហើយដល់ពេលអញ្ចឹង ពួកខ្ញុំនឹងប្រឹងប្រែង ព្រោះការដែលពួកគាត់បោកប្រាស់ពួកខ្ញុំម្តងថាថ្ងៃនេះ ម្តងថាថ្ងៃនោះ ម្តងថាទៅស្នងការគេនឹងដោះស្រាយ ម្តងទៅសាលាខណ្ឌគេនឹងដោះស្រាយ ម្តងអើទៅស្នងការទៀតទៅ បិទរូបថតរូបអីទៀតគេនឹងដោះស្រាយ តែតាមពិត គឺអត់មានប្រយោជន៍អីទាំងអស់»។
ការប្រមូលផ្តុំគ្នាជាថ្មីទៀត នៅខាងមុខសាលារាជធានីភ្នំពេញ នៅថ្ងៃទី៤ ខែកក្កដា របស់អ្នកភូមិបុរីកីឡាប្រមាណ ៣០នាក់។ ពួកគេបញ្ជាក់ជំហរថា នៅតែបន្តការតវ៉ាបន្តទៀត រហូតដល់មានដំណោះស្រាយ ដើម្បីលំនៅឋានសមរម្យដូចអ្នកឯទៀតៗ។
នៅក្នុងជម្លោះដីធ្លីរវាងក្រុមហ៊ុន ផានអ៊ីម៉ិច និងពលរដ្ឋសហគមន៍បុរីកីឡានេះ កាលពីថ្ងៃទី១១ ខែមករា ឆ្នាំ២០១២។ យ៉ាងហោចណាស់ មានអ្នកភូមិបុរីកីឡាដែលមិនព្រមចាកចេញ ៣០នាក់ ក្នុងចំណោម ១១៧គ្រួសារ ត្រូវបានអាជ្ញាធរនៃសាលារាជធានីភ្នំពេញ ចាប់ឃុំខ្លួននៅមណ្ឌលកែប្រែព្រៃស្ពឺ។ ការចាប់ខ្លួននេះ ដោយសារអាជ្ញាធរចាត់ទុកថា ការតវ៉ារបស់ពលរដ្ឋបុរីកីឡា គឺប្រឆាំងទៅនឹងការអភិវឌ្ឍរបស់រដ្ឋាភិបាល និងក្រុមហ៊ុន ផានអ៊ីម៉ីច របស់អ្នកស្រី ស៊ុយ សុផាន៕
Subscribe to:
Posts (Atom)