 |
| ប្រជាជនធ្វើការបន់ស្រន់ដល់វត្ថុសក្តិសិទ្ធិទាំងពួងឲ្យជួយការពារ ព្រៃឡង់ រួចផុតពីការកាប់បំផ្លាញ |
មានប្រជាជនប្រមាណជាជាង២០០នាក់ មកពី២០ខេត្ត-ក្រុងនានា បានមកជួបជុំគ្នា ធ្វើយុទ្ធនាការណ៍ស្វែងរកសំលេងគ្រាំទ្រឲ្យមានការចូររួម ការពារព្រៃឡង់ ក្នុងរាជធានីភ្នំពេញ កាលពីព្រឹកថ្ងៃព្រហស្បតី៍ ទី១៨ ខែសីហា ឆ្នាំ២០១១។
យោងតាមសំដីរបស់តំណាងសហគមន៍ បានឲ្យដឹងថា៖ សហគមន៍ទាំងនោះគឺមកពី២០ខេត្ត-ក្រុង រួមមាន កំពង់ធំ ព្រះវិហារ ស្ទឹងត្រែង ក្រចេះ រតនៈគីរី មណ្ឌលគីរី កំពង់ចាម កំពង់ស្ពឺ តាកែវ ព្រះស៊ីហនុ កំពត កោះកុង កំពង់ឆ្នាំង សៀមរាប បន្ទាយមានជ័យ ឧត្តរមានជ័យ ប៉ៃលិន បាត់ដំបង ពោធិសាត់ និងរាជធានីភ្នំពេញ។
តាមប្រភពព័ត៌មានបានឲ្យដឹងទៀតថា ការមកជួបជុំគ្នានៅពេលនេះ ក្នុងគោលបំណងធំតែមួយគត់គឺ ស្វែងរកការគាំទ្រដើម្បីឲ្យមានការចូលរួមការពារ ព្រៃឡង់។ សកម្មភាពស្វែងរកការគាំទ្រនេះ ធ្វើឡើងជាពីរដំណាក់កាលគឺ ១. ជួបជុំគ្នាដើម្បីធ្វើការបន់ស្រន់ ២. ចែកខិត្តប័ណ្ណផ្សព្វផ្សាយ។
តាមប្រភពដដែលបានបន្ថែមថា សំរាប់រាជធានីភ្នំពេញ ការបន់ស្រន់ធ្វើឡើងនៅខាងមុខ វិហារព្រះអង្គដងកើ និងធ្វើការចែកខិត្តប័ណ្ណផ្សព្វផ្សាយនៅតាមប៉ុស្តិ៍ភ្លើងស្តុប សំខាន់ៗ រួមមាន ស្តុបវិមានចំការមន ស្តុបបូកគោ ស្តុបពេទ្យចិន ស្តុបព្រះសក្យមុនីចេតិយ ស្តុបដេអិន ស្តុបវត្តព្រះពុទ្ធ ស្តុបផ្សារដើមគ ស្តុបទួលគោក និងស្តុបស្ទឹងមានជ័យ។ ដោយឡែកពិធីបន់ស្រន់ ត្រូវបានធ្វើនៅតាមបណ្តាខេត្តនានាចំនួន១៤ខេត្ត ត្រូវនឹង១៤៦ភូមិ ក្នុងថ្ងៃដដែលនេះដែរ។
 |
| សកម្មភាពសហគមន៍ចែកខិត្តប័ណ្ណផ្សព្វផ្សាយ ព្រៃឡង់ នៅត្រង់ចំនុចស្តុបបូកគោ |
ការចែកខិត្តប័ណ្ណនៅតាមបណ្តាស្តុបសំខាន់ៗ ត្រូវបានបង្អាក់ដោយក្រុមមន្រ្តីនគរបាលមូលដ្ឋាន ក្រោមការចោទប្រកាន់ថា ធ្វើឲ្យខូចសណ្តាប់ធ្នាប់សាធារណៈ ចោលសំរាមនៅទីសាធារណៈ និងធ្វើការចែកចាយខិត្តប័ណ្ណដោយគ្មានការអនុញ្ញាតពីសាលារាជធានី ភ្នំពេញ។
 |
| ក្រុមសហគមន៍ត្រូវបានមន្ត្រីប៉ូលីសមូលដ្ឋាននាំខ្លួនទៅកាន់ប៉ុស្តិ៍សង្កាត់បឹងកេងកង៣ ដើម្បីអប់រំ |
យ៉ាងហោចណាស់ក៏មានប្រជាជនដែលធ្វើការចែកចាយខិត្តប័ណ្ណនោះមួយ ចំនួនធំ ត្រូវបាននាំខ្លួនទៅកាន់ប៉ុស្តិ៍សង្កាត់នានាដើម្បីធ្វើការអប់រំ និងធ្វើកិច្ចសន្យាឈប់បន្តការចែកចាយខិត្តប័ណ្ណ។
រហូតមកដល់ពេលនេះពុំមានសហគមន៍ណាមួយត្រូវបានឃាត់ខ្លួនឡើយ។
No comments:
Post a Comment